[Transcription partielle] [Le 27.06.1589 :] [...] noble homme Jehan Mandat, secrettaire interprette ordinaire du roy en langue germanicque, demeurant Tours , Saint-Saturnyn, a dict et declaré a messieurs ver. promect. fabricyers de l’eglise et paroisse Saint-Saturnyn dudit Tours parlant a honorable homme sire Philibert Gueston et Jehan Gault, marchans bourgeoys dudit Tours , deux des procureurs que puis nagueres il a esté advertye que suyvant les lettres pattentes de sa majesté du XX^e de novembre 1588 dernier passé et en vertu de comission sur ce declaré par monsieur le lieutenant par[…] au siege presidial dudit Tours on proceddé a departen[...] et challen[...] sur les habitans de ladite paroisse Saint-Saturnyn de certaine somme de denyers pour raison de certains fraiz et despenses faulz pour la conservation de ceste ville de Tours en l’obeissance du roy suyvante lesdites lettres sollenelles et comissions les officiers ordinaires domestiques et commanceaulx en la maison du roy et de celle de royne deffunct mere de sa majesté et royne regente servans actuellement par quartyer sont exceptez de la contribution desdits deniers faisant aparoire par certiffication du maitre d’hostel controlleurs et tresoriers ordinaires esdite maison qu’ilz sont actuellement servans de quartier en quartier […] ; et d’aultre que ledit sieur Mandat est de la maison de roy comme luy disant secrettaire et interprette ordinaire en langue germanicque servant ret[…] et par quartier ainsi qu’il en a faict aparoir par se[...] ausdits sieurs procurueurs fabricyers […] fait audit Tours apres midi presens Francois Demontmasle et Pierre de Chastaulx, marchands audit Tours .
[Signé :] P. Aubert, F. Demontmalle.