[Transcription partielle] [Le 11.11.1581 :] [...] honneste personne Thibault Laillier, maire et sergent de mair[...] demeurant aux pontz dudit Tours ou nom de procureur special [...] par lettres de procuration dont il a presentement faict aparoir en dacte du III^e des presens moys et an en passee par Berger, notaire royal a Vouvray , de Eustache de Vincy, escuyer demeurant au Cens, paroisse Nostre-Dame-de-Bonnes alias Rochecorbon , s'est transporté par devers et a la personne de syre Jehan Mahondeau, marchant demeurant en ceste ville de Tours , comme ayant les droictz [de Jehan Duperray] ainsi qu'il dict de Jehan Duperray, trezorier et payeur de la compagnye du roy de Navarre / Auquel ledit Lallier aud. nom a dict et remonstré que le onzeiesme jour d'octobre il a esté faict audit de Vincy par Leonard Villonneau, notaire et greffier au Monloy , et en la presence de Pierre Legeay, notaire royal, certaine declaration et sommation pour et au nom dudit Mahondeau au contenu de laquelle par le moyen de la maladye en laquelle ledit de Vincy estoit detenu ne peust lors faire response et en y faisant responce par ledit Lallier oudit nom pour ledit de Vincy comme procureur susdit a dict que par la transaction faict entre luy et ledit Duperray et Marguerite de Vincy, fille d'icelluy Eustache de Vincy entre aultres clauses il est dict que led. Duperray seroit tenu de bailler caution en ceste ville de Tours pour la seureté et payement de la somme de vingt escuz d'or sol. pour la nourriture [1v°] alimens et entremens de l'enffant mentionné par la sentence qui sur ce auroit esté donnée es mains de ladite Marguerite, laquelle caution seroit tenue de payer et continuer ladicte somme de vingts escuz et que attendu que ledit Duperray n'a encores a ce satisfaict a icellui Lallier oudit nom declare audit Mahondeau qu'il est prest de le recepvoir pour caution de payer et continuer ladite somme de vingt escuz en passant obligation de ce faire ou condemnation selon et ainsy qu'il est partir par ladite sentance et de recepvoir par luy Lallyer pour ledit Eustache de Vincy comme procureur de sadite fille ladite somme par les quatre quarterons avecques les arrerages du passé de laquelle procuration dudit de Vincy [...] ladite Marguerite de Vincy, sa fille [...] informé d'icelle passee soubz les contractz du chastellet de Paris le vingthuictiesme jour d'aougst annee presente mil V^c quatre vingtz ung par devant Guillaume Deudtz et Nycollas Lecains protestant par icelluy Lallier audit nom et pour icelluy de Vincy que ou il ne sera obey [...] de se pourvoir tant par luy de Vincy que par sadite fille contre ledit Duperray ainsy et comme ilz verront estre affaire et de tous [2r°] despens, dommages et interestz [...] l'obligation par ledit Jehan Mahondeau fera si vente ce faire du plegeage par caution susmentionnee pour le payement de ladite pension, sinon ou il vouldroyt en passer condition en justice [...] par sadite procuration que maitre Loys Tranlet, procureur au siege presidial dudit Tours [...] a quoy ledit sieur Jehan Mahondeau a requis coppie du present acte pour icelluy communicquer a son conseil pour ce faire part et faire response, dont laquelle coppie luy a esté baillé presentement a ceste fin [...] faict en la maison dudit Mahondeau audit Tours presens Jehan Girardeau et Thomas Vignet, clercs.
[Signé :] Lalier, P. Aubert.