1583, 6 décembre — Tours

Estat des meubles de honnete maitre [François La]ndry fera pour Francois Maillé
Premierement
7 –10 Ung lict vert de bois de noyer de six piedz de long et de trois piedz moins ung poulce de large d’un pied de hault
14 Une table turante de cinq piedz de long sans les tirans de deux pied huict poulces de largeur de deux piedz quatre et demy de haulteur en tout assises sur quatre colonnes et ung chassis pour les assemble
22 Ung buffet de salle de quatre piedz et demy de hault de pied et demy de large dedans ouvré et de trois piedz huict poulces de long ayant deux ung guichet du long dudit buffet ouvrant par le milieu
Une petite table
16 Deux petites tables assises chacune sur ung toiteau qui sont boisees de ayant quatre colonnes dont les deux se trouveront pour soustenir les costez desdites tables qui seront pendant de pareille largeur que ladite table tirante et de trois piedz de long
12 Douze escabelles assis chacunes sur quatrecolonnes
24 Douze charois de mesme ordonnance que lesdits escabeaux sans aucun fond de ung pied huict poulces de large ung pied quatre poulces de profondeur et de dixneuf poulces de haulteur desiege
18 Douze petites chaires dont les six semblable aus chaires de table excepté que le siege sera seullement de quatorze poulces de haulteur et les six aultres a doulcier sans bras de aussi de quatorze poulces de hauteur
Tout ce que dessus pour servir a une salle de beau boys de noyer bien sec tout ple a plaine œuvre seullement les pilliers tounez et une petite mouline ou il fera besoings
40 Plus fera ledit maitre Francois Landry deux grandz charlitz de la longueur et largeur que ledit Maillé luy dira
30 Deux couchettes de mesme ordonnance de cinq piedz huict poulce de long et de trois piedz huict poulces delargeur
22 Ung cabinet de quatre piedz et demy de hault et de trois piedz de long et de ung pied et demy de profondeur comme pour lamoulnoir
20 Deux tables assie sur ung chassis et quatre colonnes de mesme longueur largeur et haulteur que celle de la salle lesquelles toutesfoi ne setireront
22 Ung buffet de chambre et deux guichetz et une laytte se rapportant a l’ordonnance des tables et lictz [calcules en bas de page :]

247.10
4
251.10 247.10
03.50 82.30 [1v°]
4 Deux chaires pour […] chene des lictz de mesme couverture ordonnance que ceulx de la salle
Tout ce que dessus aussi de boys de noyer brun bien sec et le tout bien assemblé lesdits licts et couchettes
20 Une aulmoire de cuisine de bois de chesnes de six piedz de hault quatre piedz et demy de long et de ung pied huict poulces de profondeur a quatre fenestres six fenestres les quatre fermans a deux serures et les deux aultres a deux locquetz
15 Une table de cuysine espessee de trois poulces longue de six piedz et de deux piedz trois poulces de large
Plus deux bancs sellé de la longueur de ladite table le tout de bois de chesne
24 Une aulmoire de bois de chesne de six piedz et demy de hault a cinq fondz de six piedz de long et deux piedz et demy de profondeur fermans a deux serrures
[calcules en bas de section :]

63
21
82.10
103.10
Le mardi sixiesme jour de decembre mil V^c quatre vingtz troys en la court du roy nostre sire et de monseigneur a Tours , par davant nous Pierre Aubert, notaire estably, fut present en personne et deuement soubzmis honneste personne Francoys Landry, maitre menuysier audit Tours de paroisse Saint-Vincent, lequel a promys promect et s’oblige par ces presentes a noble homme Francoys Maille, conseiller, notaire, secrettaire du roy, maison et couronne de France demeurant a Paris , estant de present audit Tours , present et acceptant de luy fournyr rendre et livrer en ceste ville de Tours , au logis et maison que luy sera nommee audit Tours tous et chacun les meubles de boys speciffyez et declerez ou memoyre cy davant escript et suyvant icelluy memoyre et estat duquel ledit Landry a dict estre deuement certain et d’habondant presentement luy en avons faict lecture, lesdits meubles il rendra et fournira bien et deuement faictz de bon boys de noyer et chesne selon ledit estat bru bien sec et madre non blanc picque et aussi roué iceulx meubles bien et deuements et convenablemens ferdez de bonnes et propres ferduzes sereusz et clefz le tout aux fraiz et despens dudit Landry dedans le jour de caresme prochain venant etc. peine etc. Et oultre dans icelle terme livrera comme dessus par ledit sieur Maillé IX labouretz de mesme boys de noyer le tout moyennant le prys et somme de cent sept escuz douze solz esur quoy ledit sieur Maillé a […] presentement manuellement compter par davant ledit Landry vingt six escuz sols en quartz d’escuz dont etc. quicte etc. le surplus icelluy sieur Maillé […] [2r°] soubzmis a promys luy payer […]dor a la fin de la livraison desdits meubles a peine etc. et encores ledit oblige respectivement etc. renoncans es[…] ledit Landry corps et biens qu’il parfaire le tout etc. faict et passé audit Tours en la maison de Victor Brodeau, escuyer, sieur de La Chastiere et de Candé, apres midy presens noble homme Victor Brodeau, filz dudit sieur de Candé, et honorable homme Pierre Maillé, frere dudit sieur Maillé, demeurant audit Tours tesmoins. Ledit Landry a dict ne scavoir escripre ne signer. Constat en gloze audit memoyre, et demy, dedans œuvre, deux autres a deux locquetz, beau, que approuvons / Et tout ce qui est en marge dudit memoyre est repan et nul.
[Signé :] Maille, P. Maille, Brodeau, P. Aubert.